Жоўцекамянёвая хвароба
![](http://upload.wikimedia.org/wikipedia/commons/thumb/1/17/Human_gallstones_2015_G1.jpg/200px-Human_gallstones_2015_G1.jpg)
Жоўцекамянёвая хвароба (ЖКХ) — утварэньне камянёў у жоўцевай бурбалцы праз парушэньне халестэрынавага абмену, складу жоўці і дзейнасьці жоўцевай бурбалкі, інфэкцыю. Ускладненьнем хваробы выклікаецца жоўцевая (пячоначная) коліка, жаўтуха, гнойны халецыстыт, запаленьне сьценкі і парушэньне цэласнасьці жоўцевай бурбалкі, што ўяўляе сьмяротную пагрозу. Ад хваробы пакутуе прынамсі 10% насельніцтва сьвету.
Папярэджаньне
[рэдагаваць | рэдагаваць крыніцу]Разьвіцьцё немачы папярэджвае прыём ежы кожныя 3 гадзіны, пазьбяганьне галаданьня, піцьцё 1,5 літра вады на дзень, штодзённае разьмінаньне, выключэньне ўжыцьця смажанай і тлустай ежы, вяндліны, слодычаў, бабовых (гарох, сачавіца і фасоля), багатых на этэрныя алеі гародніны і зяленіва (часнык, радыска, рэдзька і цыбуля), сьпірту. Таксама варта штодня ўжываць расьлінныя бялкі (аўсяныя і грэцкія крупы, марскія водарасьці) і цяжкарстваральныя расьлінныя валокны (баклажаны, буракі, пшанічнае вотруб’е, гарбузы, морква, квяцістая капуста, сухафрукты і яблыкі), замяніць малочны бялок на сою і есьці стравы ў цёплым выглядзе.
Чыньнікі
[рэдагаваць | рэдагаваць крыніцу]Узьнікненьню хваробы спрыяе адсутнасьць сьняданка і прыём вострай, смажанай і тлустай ежы.
Праявы
[рэдагаваць | рэдагаваць крыніцу]Хвароба выяўляецца праз горыч у роце, млоснасьць і боль у правым падрабрыньні[1].
Крыніцы
[рэдагаваць | рэдагаваць крыніцу]- ^ Вольга Цыбульская. Не чакайце, калі заварушацца камяні // Краіна здароўя. — 22 кастрычніка 2009. — № 43 (157). — С. 4.
Вонкавыя спасылкі
[рэдагаваць | рэдагаваць крыніцу]- Вольга Шаўко. Жоўцекамянёвая хвароба: шмат гародніны, меней цукру // Краіна здароўя. — 24 лістапада 2010. — № 61 (230). — С. 3.
![]() |
Гэта — накід артыкула па мэдыцыне. Вы можаце дапамагчы Вікіпэдыі, пашырыўшы яго. |